Kvart år får nokre elevar frå vg2 tilbod om å gjennomføre praksisvekene sine i utlandet. Dette er mogleg på grunn av støtta frå Erasmus+.
Vi samarbeider med ulike institusjonar og bedrifter i Randers og Aalborg i Danmark og Erfurt i Tyskland, og elevane våre kan søke om å ha yrkesfagleg praksis der.
Vi informerer om tilbodet i alle aktuelle klassar på Askøy vgs. i slutten av november. Dersom ein har spørsmål, kan ein vende seg til internasjonal koordinator ved skulen.
Aktuelle klassar
Tilbodet gjeld for elevar med yrkesfagleg fordjuping i følgande vg2-klasser på Askøy vgs:
- Helsefagarbeidar
- Barne- og ungdomsarbeidar
- Tømrar
- Industriteknologi
Skulen kan gi tilbod til 2-4 elevar per klasse.
Utplasseringsperiode
Våren i vg2
Finansiering
Stipend frå Erasmus+. Stipendet skal dekke reise, husleige og mat.
Anna
- Reisa skal dokumenterast.
- Askøy videregående skole organiserer reise, bustad og praksisplass.
- Eleven må ta med pass/reise-ID, Helfo-kort, gode sko og klede etter været.
Arbeidsstader
- Helsefagarbeidar: Helseinstitusjonar i Randers og/eller Aalborg (Danmark).
- Barne- og ungdomsarbeidar: Barnehagar i Erfurt (Tyskland): Ringelblume, Gartenzwerge eller Spatzennest.
- Tømrar: Bildungswerk BAU Hessen und Thüringen i Erfurt (Tyskland).
- Industriteknologi: Jugendberufsförderung i Erfurt (Tyskland).
Innkvartering
- Danmark: Leilegheit eller liknande i Randers og/eller Aalborg.
- Tyskland: Internat.
Søknad
Bruk informasjonen på side 142-147 i norskboka "Tett på" og skriv ein søknad der du presenterer deg sjølv og grunngjev søknaden din. Du bør skrive litt om erfaringane og interessene dine, og korleis du ønsker å vere ein god representant for Askøy videregående skole. Søknaden leverast på papir til kontaktlærar eller i ekspedisjonen. Søknaden skal òg underskrivast av foreldre/føresette. Vi kallar inn til intervju og sjekkar fråvær, orden, åtferd og referansar.
Merk søknaden med ERASMUS+ og skriv til:
Askøy videregående skole v/ Rektor
Søre Myrane 13
5300 Kleppestø
Tidlegare elevar fortel
Åpne menyene under for å lese erfaringar frå tidlegare elevar.
Elevar frå helsefagarbeidar fortel om studieopphaldet i Danmark:
"Vi har vore i Randers og arbeida i heimesjukepleien. Det var veldig kjekt, og vi lærte masse om hjelpemiddel som ikkje er i bruk i Noreg. Vi har og lært oss mykje dansk og mykje om kulturen i Danmark. Vi besøkte ein demenslandsby, og der fekk vi eit nytt og betre inntrykk av framtidige sjukeheimar. I helgene opplevde vi meir av Danmark, og vi reiste mellom anna til Aarhus på shopping. Vi er veldig fornøgde med reisa, og vi tilrår alle som har lyst på ein kul oppleving å søkje! Takk til Erasmus+ for ein fantastisk og lærerik oppleving!"
Elevar frå barne- og ungdomsarbeidarlinja fortel om sitt opphold i Erfurt i Tyskland:
"Vi tilrår alle å søkje utplassering i Tyskland, du vil ikkje angre. Du opplever mykje gøy, og ikkje minst lærer du mykje om kultur og forskjellar som er nyttig å ta med seg vidare. Ikkje minst var det veldig spennande å vere på jobb med dei tyske barna i barnehagen, for ein får så mange inntrykk. Vi har reist og opplevd mykje utanom jobb, som òg vil bli minne for livet!"
Elevar ved tømrarlinja fortel om studieopphaldet i Erfurt i Tyskland:
"Vi på tømrarlinja set stor pris på sjansen til å reise til Tyskland gjennom Erasmus+! Vi hadde fleire vekers praksisopphald og har lært så mykje. Særleg har vi blitt mykje betre på å bruke handhalde verktøy, og dette vil vi ha god nytte av i løpet av tømrerutdanninga. På Bildungswerk BAU i Erfurt i Tyskland var det veldig deilig å ha ein lærar som kunne snakke norsk."
Elevar frå teknologi- og industrifag fortel om sin opplevelse frå Erfurt i Tyskland:
"Vi på TIF er takknemlege for den fantastiske opplevinga og moglegheita til å utvide våre horistontar gjennom Erasmus+ i Tyskland! Jugendberufsförderung i Erfurt tok oss imot og var veldig snille. Det har verkeleg vore ein lærerik og minneverdig oppleving for oss alle!"
Du kan lese meir om tidlegare TIF-elavar sitt opphald på sida til vertsskapet i Tyskland: Jugendberufsförderung Erfurt | Jugendliche aus Norwegen zu Gast in der JBF (jbf-erfurt.de)
Internasjonal koordinator
Lyst på eit opphald i utlandet? Og mange spørsmål? Ta kontakt!
Ann-Elin Dyrøy
Internasjonal koordinator
